Շվեյցարական Credit Suisse բանկը համաշխարհային հարստության մասին հաշվետվություն է հրապարակել: Ըստ այդմ, Հայաստանը դասվել է այն երկրների շարքը, որտեղ եկամուտը միջինից ցածր է:
Ինչպես հաղորդում է rusarminfo.ru-ն, Հայաստանի բնակչության ընդհանուր կարողությունը կազմում է 42 միլիարդ դոլար: Credit Suisse-ի գնահատականներով, 2019 թվականին Հայաստանի մեկ բնակչի մասով միջին եկամուտը կազմում է 19.517 հազար դոլար:
Մեր հարևան Վրաստանը նույնպես միջինից ցածր եկամուտ ունեցող պետությունների խմբում է. այստեղ բնակչության համընդհանուր հարստությունը 37 միլիարդ դոլար է:
Իսկ ահա Ադրբեջանը մտնում է միջինից բարձր եկամուտ ունեցող երկրների շարքը. ադրբեջանցիների հարստությունը գնահատվում է 83 միլիարդ դոլար:
