Երեկ Եգիպտոսի մայրաքաղաք Կահիրեում պաշտոնանկ արված նախագահ Մուհամադ Մուրսիի և նրա հակառակորդների միջև տեղի ունեցած բախումների ժամանակ զոհվել է 40 մարդ, իսկ ամբողջ Եգիպտոսում՝ 50։ Այս մասին հաղորդում է Reuters գործակալությունը։
Ոստիկանության տվյալներով՝ վիրավորվել է անկարգությունների մասնակից 240 մարդ, 423-ը՝ ձերբակալվել են։ Վերջին օրերին «Մուսուլման եղբայրներ» կազմակերպության ղեկավարները կոչ են անում կրկին դուրս գալ փողոցներ և պահանջել իր պաշտոնում երկրի ընտրված նախագահ Մուհամադ Մուրսիի վերականգնումը։
