Դիարբեքիրում պայթյուն է տեղի ունեցել. կան զոհեր

Թուրքիայի Դիարբեքիր նահանգի Քուլփ շրջանում ավտոմեքենա է պայթեցվել։ Թուրքական մամուլի պնդմամբ՝ պայթյունի պատճառը «Քրդստանի բանվորական կուսակցության» (ՔԲԿ-PKK) զինյալների կողմից ճանապարհին տեղադրված ինքնաշեն ռումբն է եղել։

Այս մասին հայտնում է ermenihaber.am-ը՝ նշելով, որ Անկարան PKK-ն համարում է ահաբեկչական կազմակերպություն:

Պայթյունի հետևանքով տուժել են մեքենայում գտնվող գյուղացիները։ 7 մարդ մահացել է։ Եվս 13 գյուղացի տարբեր վնասվածքներով տեղափոխվել են հիվանդանոց, նրանցից երկուսը գտնվում են վերակենդանացման բաժանմունքում։ Տուժածները Մուշից, Բաթմանից եկած և հենց Քուլփում  բնակվող բանվորներ են, որոնք անտառում փայտահատությամբ էին զբաղվում:

Թուրքիայի ներքին գործերի նախարար Սուլեյման Սոյլուն հիվանդանոցում այցելել է հիվանդներին, զրուցել  նրանց հարազատների հետ։