«Բարսելոնայի» կիսապաշտպան Չավին այսօր չեմպիոնների լիգայի երկրորդ տուրում խաղադաշտ դուրս գալու դեպքում կարող է դառնալ այդ մրցաշարի ռեկորդակիր՝ անցկացված խաղերի թվով։
Ներկայում Չավին չեմպիոնների լիգայում անցկացրել է 142 հանդիպում, նույնքան, որքան «Ռեալի» և «Շալկեի» նախկին հարձակվող Ռաուլը։ 141-ական հանդիպում են անցկացրել «Ռեալի» դարպասապահ Իկեր Կասիլյասն ու «Մանչեսթեր Յունայթեդի» նախկին կիսապաշտպան Ռայան Գիգզը։
