Նախընտրական շրջանում Արցախի մարդու իրավունքների պաշտպանի աշխատակազմ ահազանգ չի ստացվել իրավունքների ոտնահարման վերաբերյալ: Այս մասին Արցախում լրագրողների հետ զրույցում ասաց ԱՀ Մարդու իրավունքների պաշտպան Արտակ Բեգլարյանը:
«Եղել են որոշ զանգեր իրավունքների պարզաբանման խնդրանքով, բայց կոնկրետ բողոքի վերաբերյալ ո՛չ զանգ, ո՛չ էլ դիմում չենք ստացել: Լարված իրավիճակ չի եղել»,-ասաց նա:
Արտակ Բեգլարյանը մանրամասնեց, որ մարդու իրավունքների աշխատակազմը հատուկ լիազորություններ չունի ընտրություններում դիտորդական առաքելություններ կատարելու, բայց կոնկրետ բողոքների հիման վրա կարող է որոշում կայացնել աշխատողներին ընտրատեղամաս ուղարկելու վերաբերյալ:
«Թեժ գիծը գործում է, հասանելի ենք դիտորդների համար, լրատվամիջոցների համար»,-ասաց նա:
Հիշեցնենք, որ վաղը Արցախի 228 համայնքներում կայանալու են ՏԻՄ ընտրություններ: Դիտորդական առաքելություն իրականացնելու համար հավատարմագրվել է 400-ից ավել դիտորդ
