Ավելի քան 20 լրագրող է տուժել Ուկրաինայի մայրաքաղաք Կիևում ցուցարարների և իրավապահների միջև շարունակվող բախումների արդյունքում։ Այս մասին հաղորդում է ուկրաինական «Տելեկրիտիկա» կայքը։
Բախումների հետևանքով տուժած լրագրողների ցուցակն անընդհատ թարմացվում է։ Այժմ նրանց թիվը հասնում է 24-ի։
Հիշեցնենք, որ հունվարի 19-ին Կիևի Գրուշևսկի փողոցում բախումներ են տեղի ունեցել։ Ցուցարարների մի մասը փորձել է ճեղքել իրավապահների կողմից կառավարական թաղամասի անվտանգությունը ապահովելու նպատակով կազմված օղակը։
