Լրագրող Մհեր Ղալեչյանը ֆեյսբուքյան իր էջում գրառում է արել, որ Երեւանի Մասիվի հիվանդանոց հիվանդատես էր գնացել, որի ժամանակ ականատես է եղել, որ հիվանդանոց զինվոր են տեղափոխել շատ ծանր վիճակում: «Մասիվի հիվանդանոց հիվանդատես էի գնացել: Զինվոր էին բերել, շատ ծանր վիճակում: Ասացին, որ ղարաբաղյան զորամասերից մեկում դանակը գլուխն են մտցրել: Կյանքը փրկել չհաջողվեց: Վատ ա, շատ վատ»,- գրել է լրագրողը:
Մենք փորձեցինք ՀՀ պաշտպանության նախարարի մամուլի խոսնակից ճշտել տեղի ունեցածը: Արծրուն Հովհաննիսյանը հեռախոսազանգերին չպատասխանեց: Անպատասխան մնացին նաեւ առողջապահության նախարարի մամուլի խոսնակ Անահիտ Հայթայանին կատարած մեր զանգերը:
Մանրամասները՝ ավելի ուշ:
