Հինգշաբթի՝ օգոստոսի 1-ին, Զապորոժիեում մասնավոր տան բակում սպանել են «օրենքով գող» Ալեքսեյ Պետրովին (Պետրիկ, Լյոնյա Խիտրի): Մարդասպանները՝ երկու հաղթանդամ տղամարդ, սառնասրտորեն մորթել են Պետրովին և անշտապ թաքնվել:
Համարվում է, որ զոհը Մոսկվայի հանցագործ կլանի առաջնորդն էր: 2009-ի նոյեմբերի գողական սխոդկայից հետո Պետրիկին կոչել էին Վյաչեսլավ Իվանկովի՝ Յապոնչիկի հաջորդը: Վերջին շրջանում, ուկրաինական ԶԼՄ-ների տվյալներով, Պետրովն իբր զբաղվում էր «Սև լեռ» պոչամբարում կուտակված արդյունաբերական ձեռնարկությունների թափոնների ուտիլիզացիայով ու իրացմամբ:
Այժմ դեպքի վայրում աշխատում են քննիչները: Հարուցվել է քրեական գործ՝ «դիտավորյալ սպանություն» հոդվածով:
