Եվրոպան պատրաստ չէ այնպիսի նախագահի, ինչպիսին է Դոնալդ Թրամփը: Այսպես է կարծում Եվրախորհրդարանի ղեկավար Մարտին Շուլցը: Նման դիրքորոշմամբ է նա հանդես եկել I-TELE հեռուստաալիքի եթերում՝ Փարիզում եվրոպական առաջատար սոցիալ-դեմոկրատական կուսակցությունների առաջնորդների հետ հանդիպումից առաջ:
«Եվրոպան, նաև ԱՄՆ-ը, պատրաստ չէ այդպիսի նախագահի»,- ասել է Շուլցը:
Շուլցի կարծիքով՝ Դոնալդ Թրամփի քաղաքական ոճը մշտական հարձակումներն են մյուսների վրա և «կողքից մեղավորներ փնտրելը»:
«Թրամփը պատկանում է քաղաքական գործիչների այն տեսակին, ովքեր կյանքում բոլոր դեպքերում քավության նոխազ ունեն»,- պարզաբանել է Շուլցը
