Ռուսաստանին և Ուկրաինային պատժամիջոցներ են սպառնում Եվրոպական հեռարձակման միության կողմից «Եվրատեսիլի» շուրջ ստեղծված իրավիճակի կապակցությամբ. Gazeta.ru-ի փոխանցմամբ՝ այս մասին հաղորդել է Heute պարբերականը՝ վկայակոչելով մրցույթի կազմկոմիտեի ղեկավար Ֆրանկ-Դիտեր Ֆրայլինգին:
Կիևն արգելել է ռուս երգչուհի Յուլյա Սամոյլովային մուտք գործել Ուկրաինա, բայց մրցույթի կանոնների համաձայն` հյուրընկալող երկիրը պետք է ապահովի բոլոր մասնակիցների ժամանումը:
«Ուկրաինայի տեսանկյունից իրավաբանորեն իրավիճակը պարզ է, բայց դա կանոնակարգի խախտում է»,- ասել է Ֆրայլինգը: Նրա խոսքով՝ նման պահվածքը պետք է պատժվի:
Ինչ վերաբերում է Ռուսաստանին, ապա Մոսկվան չի մասնակցել տարբեր պարտադիր հանդիպումներին, որոնք անցկացվել են Կիևում:
