«Սահմանադրությունը ես չեմ գրել: Ես ընդամենը քվեարկել եմ դրա օգտին: Դա ինձ ուղղված հարց չէ»` այսօր ԱԺ-ում հայտարարեց ՀՀԿ նախագահի թեկնածու Արմեն Սարգսյանը, երբ «Ելք» խմբակցության պատգամավոր Մանե Թանդիլյանը հարցրեց՝ արդյոք նրան չի՞ մտահոգում, որ նախագահի թեկնածուները 2-3-ը չեն: Հետեւաբար, Արմեն Սարգսյանը ոչ թե նախագահ է ընտրվում, այլ նշանակվում է նախագահ:
Արմեն Սարգսյանն ասաց, որ հարգում է «Ելքի» նախագահի թեկնածու Արտակ Զեյնալյանին:
Մանե Թանդիլյանի երկրորդ հարցը վերաբերում էր ՀՀԿ-ի ցուցակը գլխավորելուն եւ Մեծ Բրիտանիայի քաղաքացիությունից հրաժարվելու փաստաթղթի հրապարակմանը: «Ես որեւէ կուսակցության անդամ չեմ ուզում դառնալ, անգամ` Ձերը, պարոն Փաշինյան»,-ասաց Արմեն Սարգսյանը:
Ինչ վերաբերում է Մեծ Բրիտանիայի քաղաքացիությունից հրաժարվելու փաստաթղթի հրապարակմանը, ասաց` արդարանալու ոչինչ չունի: «Ինչ փաստաթուղթ կա, ես ներկայացրել եմ»,- ասաց ՀՀԿ նախագահի թեկնածուն:
Սոնա Դավթյան
