Հիվանդանոցից դուրս գրված ԽՍՀՄ ժողովրդական արտիստ Արմեն Ջիգարխանյանը Пусть говорят հաղորդման եթերում հայտնել է, որ նա պաշտոնապես ամուսնալուծվում է կնոջից՝ Վիտալինա Ցիմբալյուկ-Ռոմանովսկայայից, ում մեղադրում է իր ունեցվածքը թալանելու մեջ:
Ջիգարխանյանի խոսքով՝ նրա կինն ամբողջովին թալանել է իրեն, այդ թվում՝ իր անունով է գրանցել նրա բնակարանը:
«Ես չգիտեմ ուր գնամ: Տանս մեջ սեյֆ կար, հիմա այն չկա: Ամեն ինչ տարել են»,- ասել է դերասանը:
Դերասանը նաև նշել է, որ իր ընտանեկան պատմության ամբողջ դժբախտությունը կայանում է նրանում, որ իր և կնոջ միջև կա 50 տարվա տարբերություն: Նախքան հեռուստահաղորդմանը մասնակցելը՝ Ջիգարխանյանն այցելել է թատրոն և հանդիպել աշխատակազմի հետ:
