Ես չեմ ուզում այսօրվա եռյակի հանրահավաքին ձախողվեն այն գործընթանցները, որոնք հանրային բնույթ ունեն և բազմահազար մարդիկ գալիս են ինչ-որ ակնկալիքով:
Այսօր այս մասին Ազգային Ժողովում լրագրողների հետ ճեպազրույցում ասաց ՀՅԴ խմբակցության ղեկավար Արմեն Ռուստամյանը:
«Երկու բանից պետք է խուսափեն: Առաջինը արյունահեղության չհանգի որևէ գործողություն: Անցյալի սխալները չկրկնեն, արյունահեղություն այս գործընթացի մեջ չլինի: Երկրորդըˋ հիասթափություն չլինի, որպեսզի ժողվուրդը չկորցնի հավատը իր ուժերի վրա: Այդ առումով այդ ողջամտությունն եմ ցանկանում, որ չէի ուզենա իմ ասած հարցերի հետ կապված որևէ ձախողում արձանագրեն: Եթե լինի այս երկուսից որև է մեկը, բոլորս ենք խնդիր ունենալու: Ես դրա համար չեմ ցանկանում հիասթափություն, երբ մեծ ակնկալիք են առաջացնում ժողովդրի մոտ և դա չեն բավարարում՝ հիասթափություն է առաջանում»,-ասաց Ռուստամյանը:
Նա նշեց, որ հոկտեմբերի 10-ի հանրահավաքի հետ կապված անորոշությունները պահպանվել են, որոշ մասով նույնիսկ ավելացել են:
«Այս հանրահավաքի խնդիրն է՝ այդ ամենը սրբագրել, եթե ոչ՝ կխորանան այդ միտումները առաջին հանրահավաքի հետ կապված»,-նշեց Ռուստամյանը:
