Վարչապետ Նիկոլ Փաշինյանին այսօր տրանսպորտի, կապի եւ տեղեկատվական տեխնոլոգիաների նախարարի տեղակալ Բագրատ Բադալյանը տեղեկացրեց, որ հունիսի 12-ին կհայտարարեն «Սիս գյուղի ճանապարհի մրցույթի բացումը»:
Հիշեցնենք՝ սա այն գյուղն է, որտեղ երեխաները դժգոհում էին ճանապարհների որակից եւ ասում՝ Նիկոլը եկավ խաբեց, խոստացավ՝ կսարքի ճանապարհները բայց չարեց:
Նախարարի տեղեկալը իր խոսքի սկզբում հստակ չձեւակերպեց ասելիքը. թվաց, թե ասում է՝ ճանապարհի բացումը:
Փաշինյանը խնդրեց հստակ արտահայտվել, թե չէ երեխաները էլի կմտածեն, թե իրենց խաբեցին:
