Ապրիլի 23-ին Երևանում կայանալու է «Ընդդեմ ցեղասպանության հանցագործության» երկրորդ գլոբալ ֆորումը, որն անցկացվելու է «Ցեղասպանություն վերապրած վկաները» խորագրի ներքո:
Հայաստանի արտգործնախարարության տեղեկատվության և հասարակայնության հետ կապերի վարչության փոխանցմամբ՝ ֆորումի օրակարգում, ի թիվս այլ հարցերի, ներառված են թեմաներ, որոնք առնչվում են ցեղասպանության բնորոշմանը բռնի տեղահանության տեսանկյունից, ինչպես նաև ցեղասպանության կանխման և պաշտպանության ժամանակակից մարտահրավերներին:
