Երևանի քաղաքապետարանի նախաձեռնությամբ այս տարի մարտիության միջոցառումներն ընդգրկել էին մի շարք նոր տարածքներ, տեղեկացնում է Երևանի քաղաքապետարանի տեղեկատվության և հասարակայնության հետ կապերի վարչությունը:
Ամիսներ առաջ բացված ու երևանցիներին հանձնված Գլխավոր պողոտայի Նալբանդյան-Հանրապետության փողոցների միջանկյալ հատվածն այսօր լի էր ժպտադեմ հայացքներով:
Այգում զբոսնող ու պարզապես անցորդ բոլոր կանանց ու աղջիկներին բարեհամբույր երիտասարդները դիմավորում էին վարդերով ու քաղաքապետ Տարոն Մարգարյանի շնորհավորական բացիկներով:
Շնորհակալություն հայտնելով անակնկալի համար՝ կանայք նկատել են, որ կարևորն այն ուշադրությունն է, որ արդեն մի քանի տարի անընդմեջ ստանում են Երևանի քաղաքապետ Տարոն Մարգարյանից ու նաև սպասում դրան:
