Կառավարությունն այսօր հաստատեց Երեւանում 250 ՄՎտ գազային վառելիքով կոմբինացված ցիկլով էլեկտրակայան նախագծելու, զարգացնելու, ֆինանսավորելու, կառուցելու, սեփականության իրավունքով տիրապետելու, գործարկելու եւ պահպանելու վերաբերյալ փոփոխված ու վերաշարադրված շրջանակային համաձայնագիրը:
Վարչապետի պաշտոնակատար Նիկոլ Փաշինյանի խոսքով՝ Հայաստանը կարիք ունի նոր գազատուրբինային կայանի: «Տարընթերցումն այն էր, թե որտեղ պետք է կառուցվի կայանը: Հաջորդ խնդիրը գնի հետ էր կապված. կարծում էինք, որ առաջարկվող գինը չափազանցված է եւ բանակցությունների արդյունքում այդ գինը նվազեց. Հասել ենք մի սակագնի, որը դրական ազդեցություն կունենա մեր էլէներգիայի սակագնի վրա»,- ասաց վարչապետի պաշտոնակատարը:
