Եվրամիության և Եվրահանձնաժողովի անդամները համաձայնագիր են ստորագրել Ուկրաինայի և Վրաստանի քաղաքացիներին անայցագրային ռեժիմ տրամադրելու պլանի մասին` հաղորդել է Reuters գործակալությունը:
Ըստ գործակալության` արտակարգ դեպքերում անայցագրային ռեժիմի կասեցման մեխանիզմների պայմանների շուրջ համաձայնությունը ձեռք է բերվել նախորդ երեկոյան:
Ավելի վաղ ԵՄ խորհուրդը պնդել էր, որ անայցագրային ռեժիմը ուժի մեջ մտնի նրա գործողությունը կասեցնող նոր մեխանիզմի հետ միաժամանակ, որը Եվրահանձնաժողովը կարող է գործարկել սեփական նախաձեռնությամբ կամ Եվրամիության անդամներից մեկի պահանջով:
Հիշեցնենք, որ 2015-ի դեկտեմբերին Եվրահանձնաժողովը հաղորդել էր, որ Ուկրաինան և Վրաստանը կատարել են ԵՄ-ի հետ այցագրային ռեժիմի ազատականացման համար բոլոր պայմանները, սակայն Բրյուսելը դեռ համապատասխան որոշում չի կայացրել:
Կիևում և Թբիլիսիում հույս ունեն, որ երկու երկրների քաղաքացիների համար վիզաները մինչև տարեվերջ կհանվեն:
