Եվրամիության երկրներում 2015թ.-ին ահաբեկչություններից զոհվել է ավելի քան 150 մարդ, մոտ 360-ը վիրավորվել են, հայտարարել է Եվրոպոլի հակաահաբեկչական կենտրոնի տնօրեն Մանուել Պանյագուան:
Նա նշել է, որ նախորդ տարի ԵՄ տարածքում ահաբեկիչներն ընդհանուր առմամբ ծրագրել են 211 հաջող և անհաջող ահաբեկչական գործողություններ: Ամենաարյունալի ահաբեկչությունները 17-ն են եղել, որոնք իրականացվել են «ջիհադիստների» կողմից:
Եվրոպացի պաշտոնյայի խոսքով` ահաբեկչություններ կազմակերպելու և իրականացնելու կասկածանքով ձերբակալվել է 667 մարդ:
«Ահաբեկչական բջիջները, որոնք պատրաստ են հարձակումներ գործել ԵՄ-ում, հիմնականում տեղում են ձևավորվում, սակայն մենք գիտենք նաև «Իսլամական պետության» հետ նրանց կապերի մասին»,- ասել է Եվրոպոլի ներկայացուցիչը:
