Նիկոլ Փաշինյանը այսօր ԱԺ-ում իր ելույթում անդրադարձավ բյուջեի քննարկումներին՝ ասելով.
«Այդ մի քանի էջանոց փաստաթղթում կա հիշատակում կոռուպցիայի մասին, և այդ հիշատակումներն էլ ցույց են տալիս, որ ձեր Կառավարությունը, կոռուպցիա ասելով, հասկանում է գործադիր իշխանության ցածր օղակներում տեղի ունեցող իրողությունները, մինչդեռ երկու տարի առաջ Սերժ Սարգսյանը կոռուպցիայի մասին խոսելիս ասել էր և հանձնարաել, որ խոշորներին պետք է բռնել: Պարոն Խաչատրյան, ես հարցս չեմ տալիս Ձեզ վատ վիճակի մեջ դնելու համար, պարզապես ուզում եմ ճշտել և հասկանալ Ձեր զգացողությունները: Դուք մեծ հպարտությամբ հայտարարում եք, որ բազային կենսաթոշակները 14 000-ից կդառնա 16 000 դրամ, թոշակառուն ինչպես պետք է ընկալի Ձեր այս հայտարարությունը, երբ բյուջեում ասովում է՝ միջին կենսաթոշակը 36 000 դրամից պետք է դառնա 41 000 դրամ, երբ սպառողական զամբյուղը 56 000 դրամ է, ինչպես նաև մանկավարժները, որոնց 4 տարվա աշխատավարձը համարժեք է Ձեզ հագած կոստյումի գնին»,- ասաց Նիկոլ Փաշինյանը:
Ֆինանսների նախարարը պատասխանեց.
«Համոզված են՝ Ձեր կոստյումն էլ ավելի թանկ է, քան սահմանային գյուղերում բնակվող խեղճ ու կրակ քաղաքացու, այնպես որ, եկեք կոստյումները մի կողմ թողնենք: Ինչ վերբերում է իմ հայտարարագրին, կան բավարար հիմքեր և որևիցե խնդիր չունեմ: Կոռուպցիոն ռիսկերի մասին կասեմ, որ անընդհատ նվազում են համակարգում առկա ռիսկերը, որի մասին հավաստում են տարբեր կառույցների կողմից անցկացրած ուսումնասիրություններ»:
Նիկոլ Փաշինյանն արձագանքեց.
«Համաձայն չեմ, որ կոստյումները մի կողմ թողնենք, կոնկրետ առաջարկ եմ անում հասկանալ՝ իմ և Ձեր ասածներն ինչ են նշանակում: Եկեք մեր կոստյումները հանձնենք լրագրողներին, թող տանեն փորձագետները գնահատեն, որից պարզ կդառնա՝ մեր ասածների տակ ինչ կա: Ինչ վերաբերում է Ձեր կենսագրությանը, Դուք 1996թ-ից եղել եք պետական պաշտոնյա և կուտակել եք 6մլն դրամ»:
Գագիկ Խաչատրյանն էլ նշեց, որ լրագրողների մոտ հանվելու ցանկություն և ունակություն չունի, Իսկ իր կուտակած գումարներն էլ օրինական են:
