«Միասնական ազգային շարժում» ընդդիմադիր կուսակցության նախագահ Գրիգոլ Վաշաձեն կոչ է արել Վրաստանի քաղաքացիներին վերսկսել բողոքի ակցիան Թբիլիսիի կառավարության շենքի մոտ. այս մասին հաղորդում է Ռիա Նովոստին:
Գրիգոլ Վաշաձեն կոչ է արել կողմնակիցներին ուրբաթ՝ հունիսի 21-ին՝ տեղական ժամանակով ժամը երեկոյան ժամը 19.00-ին դուրս գալ Թբիլիսիի կենտրոն:
Լրագրողների հետ զրույցում ընդդիմադիր կուսակցության նախագահը հայտարարել է, որ բողոքողները երկրի ղեկավարությունից պահանջելու են «համարժեք գործողություններ» և երկխոսություն: Նա միաժամանակ նշել է, որ ցուցացարները չէին գրոհի խորհրդարանի շենք, եթե իշխանություններն միանգամից ականջալուր լինեին ընդդիմադիրների պահանջին՝ խորհրդարանի և ՆԳՆ ղեկավարների պաշտոնանկությանը:
Այժմ ամբողջ Թբիլիսիի Ռուսթավելու պողոտան և խորհրդարանին հարող ողջ տարածքը պաշտպանվում է իրավապահների կողմից և ուժեղացված հսկողության տակ է:
