Արդեն մի քանի օր շարունակ Ադրբեջանում հաստատվել են անկայուն եղանակային պայմաններ: Անվերջանալի տեղացող անձրևները հանգեցրել են մայրաքաղաք Բաքվի մի շարք փողոցների ու պողոտաների հեղեղումների:
Ինչպես փոխանցում է Qafqazinfo-ն, առավոտից Զաբրատ ավանում սկսվել են ջրից փողոցները մաքրելու աշխատանքներ:
Այդ աշխատանքներում ներգրավվել են նաև Սաբունչինսկի շրջանի ոստիկանության 15-րդ բաժնի աշխատակիցներ: Ջուր քաշող-հանող մեքենաների օգնությամբ նրանք քաշում են ավան տանող կենտրոնական փողոցների ջուրը:
