ՀՀ ոստիկանության հասարկայնության հետ կապերի և լրատվության վարչությունը հանդես է եկել հայտարարությամբ, որով պարզաբանում է Սամվել Բաբայանի թիմի հայտարարությունը:
Ոստիկանության պարզաբանումը ներկայացնում ենք ստորև.
Քիչ առաջ Սամվել Բաբայանի գրասենյակը տեղեկատվություն է հրապարակել մայիսի լույս 29 գիշերը Սևան-Մարտունի ճանապարհին Սամվել Բաբայանի համակիրների հետ տեղի ունեցած միջադեպի վերաբերյալ։ Տեղեկացնենք, որ նախքան այդ հայտարարությունը ոստիկանությունն արդեն իսկ օպերատիվ տվյալներ ուներ և ոստիկանության պետի հանձնարարությամբ ձեռնարկվել և այս պահին էլ ձեռնարկում են անհրաժեշտ օպերատիվ-հետախուզական միջոցառումներ միջադեպի բոլոր մասնակիցների ինքնությունը, նրանց գտնվելու վայրը ճշտելու, ինչպես և կատարվածի բոլոր հանգամանքները պարզելու ուղղությամբ։ Միջոցառումները շարունակվում են։ Կատարվում է քննություն։
Ավելի վաղ AraratNews.am-ը հայտնել էր, որ կրակել են Սամվել Բաբայանի կողմնակիցների ուղղությամբ:
