ԼՂՀ անկախությունը ճանաչելու օրը եղել է Շուշիի ազատագրումից հետո 1992-ին, բայց մենք բաց թողեցինք ու դրանից հետո մինչ օրս բոլոր իշխանությունների մոտ եղավ այն պատասխանը, թե դեռ ժամանկը չէ ճանաչելու:
Այսօր այս մասին Ազգային Ժողովում իր ելույթի ժամանակ ասաց «Ժառանագություն» խմբակցության ղեկավար Ռուբեն Հակոբյանը:
«Մեր դիվանագիտությունը կոպտագույն սխալ գործեց, որ զինադադարի պայմանագիրը կնքեց: Փոխանակ երկարացնես քո պայմանը, երբ որ դու հաղթել ես, զինադադարի պայմանագիր ես կնքում Ադրբեջանի խնդրանքով: Ու հիմա էլ այդ սխալ ջրհորից օգտվում է մեր դիվանագիտությունը: Թիվ մեկ հարցը պետք լիներ Ղարաբաղի ճանաչումը, իսկ մենք Ղարաբաղին մեր իսկ ձեռքերով դուրս մղեցինք բանակցային գործընթացից, և Ադրբեջանը օգտվեց դրանից ու մինչև հիմա ասում է, որ դա Հայաստանի կողմից հողային պահանջ է Ադրբեջանի նկատմամբ: Իսկ միգուցե հետ գնանք և տեսնենք, թե ով կանխեց Ղարաբաղի ճանաչման ճիշտ ժամանակը: Դեյուրե Ղարաբաղը այսօր գտվում է գրողի ծոցում, որովհետև միջազգային հանրությունն ասում է, որ այն գտնվում է Ադրբեջանի գրողի ծոցում»,-ասաց Հակոբյանը:
