SHANTNEWS.am-ը Գնահատման և թեստավորման կենտրոնի մամուլի բաժնից տվյալներ է հավաքել միասնական քննությունների վերաբերյալ:
Այս տարի 10 հազար 421 դիմորդ կա, ներառյալ Արցախի Հանրապետությունից: Հայաստանի Հանրապետությունում դիմորդների թիվը 9600 է:
Ձեզ ենք ներկայացնում ամենաշատ և ամենաքիչ հայտագրում ունեցող միասնական քննությունները:
Ամենաշատը հայտագրվել է հայոց լեզու և հայ գրականություն առարկան՝ 5569 դիմորդ, հաջորդիվ անգլերենն է՝ 4760 դիմորդ, ապա մաթեմատիկան՝ 4727 դիմորդ:
Ամենաքիչ հայտագրված քննությունն իտալերենն է, այն կհանձնի ընդամենը 1 շրջանավարտ-դիմորդ, պարսկերեն կհանձնի 3 դիմորդ, իսպաներեն՝ 4:
Հայոց պատմություն առարկան հայտագրել է 1449 դիմորդ, իսկ համաշխարհային պատմություն՝ 45 դիմորդ:
Միասնական քննությունների ժամանակացույցին կարող եք ծանոթանալ այստեղ:
