Եվրոպայի խոշորագույն Volkswagen ավտոկոնցեռնը 2013 թվականին վաճառել է իր պատմության ընթացքում ռեկորդային քանակությամբ ավտոմեքենաներ՝ 9.7 միլիոն հատ։ Այս ցուցանիշները 5 տոկոսով գերազանցում են 2012 թվականին վաճառված մեքենաների քանակը՝ 9.3 մլն մեքենա ամբողջ աշխարհում։
Կոնցեռնի ներկայացուցիչ Քրիստինա Քլինգերն ասել է, որ ընթացիկ տարում Volkswagen-ը շարունակելու է նույն կերպ արձագանքել բոլոր մարտահրավերներին։ Volkswagen-ի համար լուրջ խթան է հանդիսացել մեքենաների վաճառքը Չինաստանում, մինչդեռ Հյուսիսային և Հարավային Ամերիկայում ցուցանիշներն անկում են արձանագրել։ Չինաստանում մեքենաների վաճառքի աճը կազմել է 16 տոկոս՝ կազմելով 3.27 մլն մեքենա։
