ՀՀ ԱՆ Քրեակատարողական վարչության հասարակայնության եւ լրատվության հետ կապերի վարչության պետ Գոռ Ղլեչյանը հայտարարում է, որ «Նուբարաշեն» քրեակատարողական հիմնարկում երեկ լարված իրավիճակ չի եղել, եւ մամուլի հրապարակումներն իրականությանը չեն համապատասխանում: Դրա մասին Araratnews.am-ի հետ զրույցում ասաց ինքը՝ Ղլեչյանը: Նշենք, որ «Ժողովուրդ» օրաթերթը «Նուբարաշեն» քրեակատարողական հիմնարկի դատապարտյալ Արթուր Մելիքյանից ահազանգ է ստացել, որ ՔԿՀ-ում լարված վիճակ է: «Մեր իրավունքները ոտնահարված են. եթե այսպես շարունակվի՝ դատապարտյալները առավել վատ քայլերի կդիմեն»,- ասել էր նա:
Բացի այդ քրեակատարողական հիմնարկից հայտնել էին, թե մի քանի դատապարտյալներ թուք են ներարկում իրենց:
Մինչդեռ Գոռ Ղլեչյանը պնդեց, որ որեւէ միջադեպ տեղի չի ունեցել: «Ոչ մի միջադեպ չի եղել»,- ասաց Ղլեչյանը:
