ՀՀ փաստաբանների պալատի նախագահի թեկնածու Արա Զոհրաբյանի կարծիքով որոշ փաստաբանների հետ հակասություններ առաջանում են այն պահին, երբ Պալատը նրանց հետ խոսում է էթիկայի կանոնների դիրքերից:
Ինչպես տեղեկացնում են Արա Զոհրաբյանի նախընտրական շտաբից, փաստաբանների հետ հանդիպման ընթացքում նա հայտնել է, որ փաստաբանը հատուկ անձ է, և Եվրոպական դատարանն էլ բազմաթիվ գործերում ասում է, որ փաստաբանը համարվում է միջնորդ դատարանի և հասարակության միջև: Հետևաբար իր նկատմամբ կարող են լրացուցիչ սահմանափակումներ կիրառվել էթիկայի տեսակետից, որովհետև ինքը մենաշնորհային դիրք ունի դատարանում, ծանոթ է օրենքներին և տիրապետում է հմտությունների:
«Այսօր օրինակ, որ զննություն են իրականացնում փաստաբանի նկատմամբ, մենք ասում ենք ինչո՞ւ եք այլ կանխավարկածով մոտենում: Այլ երկրներում, եթե դու փաստաբան ես որոշ բաներ չես անելու, որովհետև էթիկայի կանոնակարգի տակ ես: Միջազգային փորձին հետևում եմ և ուզենք, թե չուզենք էթիկայի կանոնները պետք է դարձնենք ակտուալ»,- նշել է Արա Զոհրաբյանը:
