Երևանի քաղաքապետարանի «Երևանյան ամառ 2017» եռամսյա միջոցառումների ծրագրով մայրաքաղաքի Քանաքեռ-Զեյթուն վարչական շրջանի Դավիթ Անհաղթի անվան պուրակում տեղի է ունեցել «Քանաքեռ-Զեյթունի ամառային անուրջներ» խորագրով ուրախ համերգային ծրագիրը:
Միջոցառման շրջանակում ելույթ են ունեցել վարչական շրջանի երաժշտական և արվեստի դպրոցի սաները, ինչպես նաև «Արմենիա» պարային համույթը: Ներկաների օրն առավել հետաքրքիր է դարձրել «Զեյթուն» մշակութային կենտրոնի կավագործության խմբակի երեխաների ձեռքով պատրաստված յուրահատուկ իրերի ցուցահանդեսը:
Համերգային ծրագրին տոնական շունչ են հաղորդել նաև կրկեսային համարներն ու ակվագրիմը:
Երևանի քաղաքապետարանի տեղեկատվության
և հասարակայնության հետ կապերի վարչություն
