Վրաստանի նախկին նախագահ, Օդեսայի նախկին նահանգապետ Միխեիլ Սաակաշվիլին Խարկովում ցույցի ժամանակ հայտարարել է, որ Ուկրաինայի իշխանությունները ցանկանում են ազատվել իրենից:
«Ես գիտեմ, որ նրանք կփորձեն ինձ հեռացնել, վտարել երկրից, նույնիսկ սպանել: Դա ևս խնդիր չէ: Ես դրանից չեմ վախենում»,- ասել է Սաակաշվիլին:
Ելույթի ձայնագրությունը Սաակաշվիլին հրապարակել է իր ֆեյսբուքյան էջում:
Նա համակիրներին կոչ է արել հոկտեմբերի 17-ին դուրս գալ ակցիայի Գերագույն ռադայի շենքի առաջ` հանուն հակակոռուպցիոն բարեփոխումների: Ակտիվիստների պահանջների շարքում հակակոռուպցիոն դատարանի ստեղծումն է, ընտրությունների մասին նոր օրենքի ընդունումը, պատգամավորական անձեռնմխելիության վերացումը: Բացի այդ, նա ասում է, որ նախագահ Պորոշենկոն ժամանակ չունի Ուկրաինայով զբաղվելու՝ ակտիվ բիզնես վարելու պատճառով:
