«Օդեսայի առևտրատնտեսական ֆորումի» մասնակիցները պահանջել են Ուկրաինայի իշխանություններից վերականգնել հարաբերությունները ԱՊՀ երկրների և, առաջին հերթին, Ռուսաստանի հետ: Այս մասին հայտնել է Timer տեղական հրատարակչությունը:
«Ըստ ընդունված բանաձի՝ կառավարությունից պահանջվում է վերականգնել առևտրատնտեսական կապերը ԱՊՀ-ի և Ռուսաստանի հետ: Բանաձևում նշվում է, որ Ռուսաստանի, Ղազախստանի, Բելառուսի և ԱՊՀ մյուս երկրների հետ կապերի վերականգնումը բխում է նաև Ուկրաինայի ռազմավարական շահերից»,- ասված է հայտարարության մեջ:
Ֆորումի մասնակիցները նաև կոչ են արել հանրությանը աջակցել իրենց դիրքորոշմանը ուկրաինական շուկաների դիվերսիֆիկացման վերաբերյալ:
