Ինչպես ավելի վաղ տեղեկացրել էինք, երեկ երեկոյան երկնքում նկատվել էին վառ հետագծեր, որոնք բնորոշ են ռեակտիվ ինքնաթիռներին: Փաստը հետաքրքիր էր նրանով, որ դրանք ոչ թե մեկ-երկուսն էին, այլ միաժամանակ մոտավորապես ինը եւ ավելին:
Այսօր ՊՆ խոսնակ Արծրուն Հովհաննիսյանից փորձեցինք պարզել, թե դրանք ինչ ինքնաթիռներ էին: Մեր հարցուպատասխանը ներկայացնում ենք ստորև.
— Բարեւ Ձեզ պարոն Հովհաննիսյան։ Կարո՞ղ եք ասել, երեկ երեկոյան ինչ ինքնաթիռներ էին միաժամանակ հայտնվել երկնքում։ Քանի որ քանակով այն աննախադեպ էր, հարկ համարեցինք հարցնել՝ չնայած տեսարանը շատ գեղեցիկ էր։ Կանխավ շնորհակալություն։
— Բարև ձեզ: Չեմ կարող ասել: Դրանք, հավանաբար, քաղաքացիական ինքնաթիռներ էին։
— Չէ, դրանք երևի ռազմական են, բայց աննախադեպ շատ չի հաստատ:
— Փաստորեն զորավարժություննե՞ր են եղել։ Իսկ եթե զորավարժություններ են՝ Դուք տեղյակ չե՞ք եղել:
-Ո՞վ է արել: Կարող է՝ ռուսները։
— Իսկ ՊՆ-ի կամ քաղավիացիայի հետ չե՞ն համաձայնեցնում:
— Համաձայնեցնում են, բայց հո անգիր չենք հիշում, ամիսը մի քսան անգամ լինում է։
Էմմա Պալյան
