Արդեն յոթ ամիս է, որ Կոստանտին Ստանիսլավսկու անվան թատրոնում հանդիսատեսին է ներկայացվում «Սիրով ապագայից կամ Mea culpa 2» ներկայացումը: Ռոբին Հուդից Ստալին ու Չարենց՝ պատմական այս դեմքերի մատնանշած փրկության ուղին ամենեւին հայի համար չէ: Փնտրեք ձեր մեղքը, բավ է օտարին ապավինել, քայլեր արեք բացթողումներն ու թերությունները շտկելու եւ ապագայի Երկիր Նաիրին ունենալու համար:
Ներկայացումից հետո ստեղծագործական անձնակազմը պատասխանեց լրատվամիջոցների հարցին:
Araratnews.am-ը ներկայացման գլխավոր դերակատար, ժողովրդական արտիստ Հրանտ Թոխատյանից հետաքրքրվեց՝ մշակութային գործիչները որեւէ անելիք ունե՞ն քաղաքացու մտածողությունը փոխելու համար: Կամ կարո՞ղ են փոխել, եթե այդ գործիչները երկու ճամբարի են բաժանված: Մի խումբը զբաղված է իր գործով եւ հենց այդ հիմնավորմամբ երկրի այլ խնդիրների մասին կարծիք չի հայտնում: Մշակութային գործիչների մի խումբն էլ մշտապես քննադատում է իշխանությանը, իր գործընկերներին, որոնք հլու հնազանդ են ղեկավարությանը: Հրանտ Թոխատյանի համար անհասկանալի են այդ պիտակավորումները մտավորականի հասցեին. «Դուք եւ ձեր գործընկերներն անընդհատ ինձ ասել են՝ ծախված, բայց չեմ հասկանում, թե ո՞րն է իմ ծախվածությունը: Ժողովրդական արտիստի խոսքով՝ պետք է խելքներս գլուխներս հավաքենք, հասկանանք մեր գործած մեղքն ու երկիր կառուցել, թե չէ կվերջանանք»:
Մանրամասները՝ տեսանյութում:
Սոնա Դավթյան
