ԱՄՆ-ի Մեծ ժյուրին մեղադրանք է ներկայացրել Թուրքիայի նախագահ Ռեջեփ Թայիփ Էրդողանի 15 թիկնախահներին` 2017-ի մայիսի 16-ին Վաշինգտոնում դեսպանի նստավայրի մոտ ցույց անցկացնող խաղաղ հայերին ու քրդերին ծեծի առնչությամբ:
«Թուրքիայի նախագահի անվտանգության ծառայության ներկայացուցիչները զենքի կիրառմամբ հարձակում են իրականացրել և ոտքերով ինտենսիվ ծեծել բողոքի խաղաղ ակցիայի մասնակիցներին»,- երդվյալ ատենակալների կարծիքն է մեջբերում Washington Examiner-ը:
ԱՄՆ-ի օրենսդրության համաձայն` Էրդողանի թիկնապահներին սպառնում է մինչև 15 տարի ժամկետով ազատազրկում:
Բացի Էրդողանի թիկնապահներից, քրեական գործում ներգրավվել են նաև չորս մարդ` երկու կանադացի և երկու ամերիկացի: Առայժմ այս գործով ձերբակալված են երկու մեղադրյալ, որոնք սեպտեմբերի սկզբին կկանգնեն դատարանի առաջ: Մյուսները գտնվում են ազատության մեջ, քանի որ միջադեպից հետո նրանք Թուրքիայի նախագահի հետ հեռացել են ԱՄՆ-ի տարածքից:
