Վարչապետը Հայաստանը կներկայացնի Դավոսի ֆորումում

Հունվարի 23-26-ը Շվեյցարիայի Դավոս հանգստավայրում  ՀՀ վարչապետ Կարեն Կարապետյանը կմասնակցի ամենամյա 48-րդ Համաշխարհային տնտեսական ֆորումին (World Economic Forum): Այս մասին  Araratnews.am-ը տեղեկացավ  վարչապետի մամուլի խոսնակ Արամ Արարատյանից:

Ֆորումում վարչապետը ելույթով հանդես կգա եւ մի քանի հանդիպումներ կունենա: Թե ում հետ կհանդիպի Հայաստանի գործադիր մարմնի ղեկավարը,  մամուլի խոսնակն ասաց. «Հանդիպումները հաստատման փուլում են»:

Մեր հարցին՝ հայաստանյան պատվիրակության կազմում ովքե՞ր կլինեն, Արամ Արարատյանի խոսքով՝ պատվիրակության կազմը վերջնականապես հաստատված չէ, բայց այն մեծ չի լինի:

Սոնա Դավթյան