Արծվիկ Մինասյանը, անդրադառնալով 2015թ-ի բյուջեի նախագծին, ներկայացրեց ՀՅԴ-ի տեսակետը բյուջեի վերաբերյալ:
«ՀՅԴ-ի նախագիծը 2015թ-ի բնուջեի վերաբերյալ կառուցված է ոչ միայն պետական բյուջեի երկրի սոցիալ-տնտեսական համատեքստում կարևորությունը նկատի առնելով, այլ նաև այն, որ ցանկացած նմանատիպ փաստաթուղթ պետք է իր մեջ ներառի երկրի առջև ծառացած մարտահրավերները հաղթահարելու կոնկրետ գործողություններ»,— ասաց Արծվիկ Մինասյանն ու ընդգծեց, որ այս տեսակետից բյուջեի դերն ու նշանակությունը չի կարևորվել:
Արծվիկ Մինասյանի կարծիքով՝ պետական բյուջեն պետք է դառնա գործիք, միջոց՝ երկրի առջև ծառացած սոցիալ-տնտեսական խնդիրները լուծելու նպատակով, սակայն վերածվել է միջանկյալ ինչ-որ նպատակի, որի եկամտային մասը հաշվարկվում է ըստ գերատեսչական մոտեցումների, ծախսայինը՝ առանց որևէ թիրախների:
Կառավարության կողմից հստակեցված չի, թե ինչ քաղաքականություն է վարում և ինչ նպատակներ հետապդնում:
Արծվիկ Մինասյանի խոսքով՝ բյուջեի քննարկումները ֆորմալացվել են. «Տպավորություն է, որ թռչնակ ենք նկարում այս քննարկումների ընթացքում», — ասաց Արծվիկ Մինասյանը:
