Թուրքիայի իշխանությունները հայտարարել են, որ երկրում ռազմական հեղաշրջման ձախողված փորձից հետո անվտանգության ապահովման միջոցառումների շրջանակում փակվել են մի քանի տասնյակ լրատվամիջոցներ, այդ թվում նաև` 45 թերթ և 16 հեռուստաալիք:
Բացի այդ, իշխանությունները բանակից ազատել են մոտ 1,7 հազար զինվորականի, որոնց թվում նաև` 149 գեներալի և ծովակալի: Անկարայում կարծում են, որ ձախողված հեղաշրջման հետևում կանգնած է ԱՄՆ-ում բնակվող իսլամի քարոզիչ Ֆեթուլլահ Գյուլենը, ով կտրականապես հերքում է նման մեղադրանքները:
