Թուրքիայի արտաքին գործերի նախարարությունը հայտարարել է, որ գերմանական մամուլում հայտնված այն տեղեկությունները, թե Թուրքիան սկսել է միջուկային զենք մշակել, որևէ կերպ չի համապատասխանում իրականությանը։ Այս մասին հաղորդում է թուրքական մամուլը։
«Թուրքիան ակտիվ պաշտպանում է տարածաշրջանը միջուկային զենքից զերծ պահելու ջանքերը և կողմնակից է այս ոլորտում միջազգային համաձայնագրերին, աառաջին հերթին՝ Միջուկային զենքի չտարածման համաձայնագրին»,- ասվում է արտգործնախարարության հայտարարության մեջ։
ԱԳՆ-ում նաև նշել են, որ նման տեղեկությունների հայտնվելը զարմանք է առաջացնում, քանի որ Թուրքիան համարվում է ՆԱՏՕ-ի և կոլեկտիվ անվտանգության համակարգի անդամ։
