Aravot.am-ը գրում է.
Դիլիջան քաղաքի հարավային ծայրին գտնվող «Հաղարծին» ռեստորանային համալիրից մինչեւ Սեմյոնովկա գյուղ տանող հին ավտոճանապարհի խաչմերուկի մոտակայք, շուրջ 5կմ ավտոճանապարհի մեջտեղը ներկված է հոծ գծով: Նշված ճանապարհի միայն մի փոքր հատվածում հոծ գիծն ընդհատվում է: 5 կմ ճանապարհին հոծ գծի առկայությունը նշանակում է, որ այդ հատվածում ավտոմեքենաների վարորդների կողմից վազանցն արգելվում է, վազանցի դեպքում այն կատարած վարորդին սպառնում է տուգանք:
2016թ. սեպտեմբերի 14-ից մինչ օրս վերանորոգման նպատակով փակ է Հայաստան-Վրաստան միջպետական ավտոճանապարհի Ալավերդի-Վանաձոր հատվածը: Արտերկրից Բագրատաշենի մաքսակետով Հայաստան բեռներ ներկրող եւ նույն մաքսակետով Հայաստանից բեռներ արտահանող խոշոր բեռնատարները Երեւանից մեկնում կամ Երեւան են հասնում Նոյեմբերյան-Իջեւան-Դիլիջան ավտոճանապարհով: Հաճախ Դիլիջանի ոլորաններում ավտոմեքենաների առաջ հայտնվում է բեռնված «ֆուռ», որը երթեւեկում է շատ ցածր արագությամբ: Մարդատար ավտոմեքենաների վարորդները կամ պետք է ցածր արագությամբ մոտ 5 կմ հետեւեն խոշոր բեռնատարին կամ էլ դրան վազանցելով՝ խախտեն հոծ գիծը, ինչը կարող է նկատվել ճանապարհային տեսուչների կողմից:
Մանրամասն՝ սկզբնաղբյուրում
