«Հայաստան-Թուրքիա ձեռներեցների փոխայցելություններ» և Հայաստանից ու Թուրքիայից սկսնակ ձեռներեցների 6 թիմերի համար նախատեսված «Տեխնոլոգիաներ առանց սահմանների» քառամսյա (2015 փետրվար-մայիս) նախագծեր ամփոփում տեղի ունեցավ, ինչպես նաև «Աջակցություն Հայաստան-Թուրքիա կարգավորման գործընթացին» ծրագրի մրցանակաբաշխությունը:
«Հանրային լրագրության ակումբի» (ՀԼԱ) նախագահ Սեդա Մուրադյանը ներկայացրեց, թե ինչպես առաջացավ այս նախագծի մտահղացումը: «Մայքրոսոֆթ ինովացիոն կենտրոնի» տնօրենի պաշտոնակատար Արտաշես Վարդանյանը հայտնեց, որ այս ծրագիրը ուղված է լավ պայմաներ ստեղծելուն ձեռներեցների համար: «Մայքրոսոֆթ ինովացիոն կենտրոնը» և «Հանրային լրագրության ակումբը» ստեղծել են այն բոլոր նախապայմանները թուրք և հայ ձեռներեցների համար, որ կարողանան ծրագրի շրջանակներում իրենց գաղափարները ներկայացնեն ու զարգացնեն, ներկայացրեց Արտաշես Վարդանյանը:
Փակ սահմանը Թուրքիայի հետ իհարկե դժվարություններ է ստեղծում ոչ միայն Հայաստանի և Թուրքիայի ձեռներեցների փոխայցելությունների համար, նաև այս նախագծերը կազմակերպողների համար, հայտնեց Սեդա Մուրադյանը:
Մրցանակաբաշխության ընթացքում լավագույն տեխնոլոգիական լուծում, լավագույն ներկայացում, լավագույն գաղափար անվանակարգերում մրցանակներ ստացան: Հաղթող թիմ Evreka-ն «Աջակցություն Հայաստան-Թուրքիա կարգավորման գործընթացին» ծրագրի շրջանակներում իրականացվող «Ձեռներեցների փոխայցելություններ» նախագծի կողմից ստացավ ֆինանսական աջակցություն չորս հազար եվրոյի չափով՝ բիզնես գաղափարը իրագործելու համար:
