Հելոուինի նախօրեին The New Yorker-ը թողարկել է ամսագրի հերթական համարը, որի շապիկին պատկերված է ծաղրածուի տեսքով ԱՄՆ-ի նախագահ Դոնալդ Թրամփը:
Ամսագրի կայքում հրապարակվել է նաև ծաղրանկարի հեղինակ Քարթեր Գուդրիչի հարցազրույցը. նկարիչը Թրամփին անվանել է «ազգային մակարդակի մղձավանջ» և «վտանգավոր ծաղրածու»:
«Իմ ամբողջ կյանքը կործանված է: Ես հիմա այնքան շփոթահար եմ, որքան ընտրությունների գիշերը: Ծաղրանկարը ցույց է տալիս այն իրավիճակը, որն ինձ համար ցավալի է: Նա այսպես թե այնպես ծաղրանկարային չարագործ է, տհաս և տարօրինակ»,- հարցազրույցում ասել է ծաղրանկարիչը:
Ամսագրի նոր համարը վաճառքի կհանվի հոկտեմբերի 30-ին:
ԶԼՄ-ները Թրամփին համեմատել են Անդրես Մուսքետիի «Այն» (It) սարսափ ֆիլմի հերոսի հետ:
