Տավուշի մարզում երեկ ականի պայթյունից վիրավորված զինծառայողի առողջական վիճակը դեռ ծանր է: Այս մասին Araratnews.am-ին հայտնեց ՀՀ պաշտպանության նախարարի մամուլի խոսնակ Արծրուն Հովհաննիսյանը:
Հովհաննիսյանը տեղեկացրեց, որ զինծառայողը դեռևս գտնվում է Բերդի հոսպիտալում:
Հարցին՝ հնարավո՞ր է նրան տեղափոխեն Երեւան, պաշտպանության նախարարի մամուլի խոսնակը դժվարացավ պատասխանել:
Հիշեցնենք` պաշտպանության նախարարության մամուլի խոսնակ Արծրուն Հովհաննիսյանը երեկ տեղեկացրել էր, որ Տավուշում ականի պայթյունից վիրավորված զինծառայող Շիրազ Կամոյի Սահակյանի վիճակը ծանր է: Տեղեկացնենք նաեւ, որ վիրավորում ստացած զինծառայողի ոտքը անդամահատվել է:
