«Հայաստան-Սփյուռք-Արցախ միաձուլում՝ ի փառս առողջության»՝ այս կարգախոսով է Հայաստանում սկսվելու Հայ բժիշկների միջազգային 5-րդ համագումարը։ Համագումարը երեք նպատակ ունի՝ ծանոթանալ աշխարհում տեղի ունեցած գիտության, տեխնիկայի, բժշկագիտության եւ կազմակերպչական ոլորտների նորություններին։
Համագումարին բժշկական ոլորտի մասնագետների թիվը մեծ է: Այսօրվա մամուլի ասուլիսում այդ մասին ասաց Հայ բժիշկների 5-րդ համագումարի նախագահ, «Իզմիրլյան» ԲԿ-ի տնօրեն Արմեն Չարչյանը։
«Սփյուռքից համագումարին կմասնակցի 300, Հայաստանից՝ 300-350 մասնակից։ Համագումարի շրջանակներում լինելու է 13 պլենար դասախոսություն։ Համագումարին մասնակցելու է ՌԴ բժշկական ակադեմիայի հայազգի յոթ անդամ»,- մանրամասնեց Ա. Չարչյանը:
Հայկական միջազգային բժշկական կոնգրեսի նախագահ Վիգեն Սեպիլյանն էլ խոսեց այն խնդիրներից, որոնք ներկայացնելու են համաժողովում:
«Հայաստանում ուղեղի կաթվածով հիվանդների թիվը ամենաբարձրն է, քաղցկեղի ու սրտի հիվանդների թիվը՝ եւս: Պետք է շուտ հայտնաբերել այդ հիվանդությունները եւ բուժել»,-մանրամասնեց Վիգեն Սեպիլյանը։
Հայ բժիշկների 5-րդ համագումարի համանախագահ Գեւորգ Յաղջյանն էլ ասաց, որ կլինի 7-ից ավելի մասնագիտությունների սիմպոզիում: «Պլենար դասախոսություններն օնլայն կհեռարձակվեն համագումարի կայքում, որի շնորհիվ մարզերի բժիշկները կարող են հետեւել այս միջոցառմանը»,- մանրամասնեց Գ. Յաղջյանը:
Մանրամասները՝ տեսանյութերում:
Սոնա Դավթյան
