Երգչուհի Սոնա Շահգելդյանը և ժողովրդական երգիչ Սևակ Ամրոյանն օրերս տեսահոլովակ են նկարահանել իրենց զուգերիգի՝ «Սարերի հովին մեռնեմ» երգի հիման վրա:
«Մեր հին հայկական, ժողովրդական գեղեցիկ երգն է՝ Հովհաննես Բադալյանի մշակմամբ: Մենք էլ մեր յուրօրինակ կատարումով ավելի ենք գեղեցկացրել այն: Ոչինչ չենք փոխել, քանի որ ես սիրում եմ, որ էդպիսի երգերը մատուցվեն էնպիսին, ինչպիսին կան»,- ESem.am-ին ասաց երգչուհին՝ հավելելով, որ Արեգ Առուստամյանը նոր գործիքավորում է արել:
Սոնան նշեց, որ այս երգը ոչ մի անգամ չի հնչել զուգերգի տարբերակով: «Սևակի հետ այն դուետով ներկայացնելու մտահղացումը իմն ու մայրիկինս էր: Ամեն ինչ նրա հետ եմ արել, քանի որ միշտ հաշվի եմ առնում իր խորհուրդները: Զգեստներն էլ ես, մայրիկս և ռեժիսորն ենք ընտրել»,- ասաց երգչուհին և հավելեց, որ որոշել են անպայման տեսահոլովակ նկարահանել, որովհետև այս ստեղծագործությունը մնայուն արժեք է:
Մանրամասները` Esem.am կայքում:
