2008 թվականից Հայաստանում գտնվող «Softline Armenia» կազմակերպությունը տեսահոլովակ է հրապարակել, որում նշում է, թե ամեն տարի նախապատրաստվելով ամանորյա միջոցառումներին՝ նրանք ձեռք են բերում նվերներ եւ անակնկալներ իրենց գործընկերների եւ աշխատակիցների համար: Այս տարի կազմակերպությունը որոշել է այդ գումար, որը կազմում է կես միլիոն դրամ, փոխանցել «City of smile» հիմնադրամին:
««Softline Armenia» կազմակերպության կողմից գործընկերների համար նախատեսված ամանորյա հուշանվերները ստացել են «Միասին կարող ենք կյանքեր փոխել» խորհրդանշական անվանումը։
Մեր կազմակերպությունն այս տարի որոշել է իրականացնել մի նախաձեռնություն, որը հուսով ենք՝ բոլորի համար օրինակ կծառայի, և շատերը կմիանան մեզ։ Եկեք միասին ձեռք մեկնենք այն երեխաներին, որոնք մեր օգնության կարիքն ունեն»։
