Այսօր սննդամթերքի շուկայում ընտրությունը որքան լայն է, այնքան թունավորման ռիսկերը մեծ են: Խանութներում առաջարկվող մթերքների տեսականին մեծ է, և սպառողը հնարավորություն ունի ընտրելու թե՛ տեղական, թե՛ ներմուծված արտադրանքից:
Ընտրության մեծ հնարավորություն է տալիս նաև թռչնամսի շուկան, որտեղ ոչ ոք չի կարող երաշխավորել մսի կամ, ընդհանարապես, այլ մթերքի որակը, որովհետև ոչ միշտ է, որ ներմուծված կամ տեղական արտադրանքը նախքան վաճառքի կետեր հասնելը ենթարկվում լաբարատոր փորձաքննության:
Երևի այդ չստուգված թռչնամսի մի միասն էլ բաժին էր ընկել այսօր մեզ ահազանգած կնոջը, ում անչապահաս երկու երեխաները սննդային թունավորում են ունեցել հենց հավի մսից:
Ոլորտում վերահսկողության և հասարակության ահազանգի հետքերով ուսումնասիրություններ կատարելու մասին փորձեցինք պարզաբանումներ ստանալ ՀՀ գյուղատնտեսության սննդամթերքի անվտանգության պետական ծառայության պետի մամուլի քարտուղար Նվարդ Առաքելյանից. «Այսօրվանից սկսում ենք իրականացնել անասնահամաճարակային մշտադիտարկում և դիտարկում թռչնամսի շուկայում, որի մեջ ներառվում են խանութները և արտադրամասերը: Արդեն ուսումնասիրությունների իրավական մասն ապահովված է, որից հետո կսկսենք մեր հիմնական գործողություններըˋ խմբեր կձևավորվեն, և կիրականացնենք լայնածավալ մշտադիտարկումներ և դիտարկումներ:
Նվարդ Առաքելյանի հավաստմամբˋ այս պահին սահմանին խստորեն վերահսկվում է ներմուծվող թռչնամիսը, և գերակշռող մասը ենթարկվում է լաբորատոր փորձաքննության, խմբաքանակ չկա, որից փորձաքննություն չարվի:
Նշենք, որ սահմանին խստորեն վերահսկողությունը սահմանվել է միայն հուլիս ամսից, սակայն, ըստ օրենքի, ներմուծվող ապրանքը լաբորատոր փորձաքննության ենթարկելը պարտադիր չէ:
Քանի որ սառեցված մսամթերքն ունի պահպանման բավականին երկար ժամկետ, չի բացառվում, որ թունավորումները հնարավոր է լինեն մինչև հուլիս ներմուծված թռչնամսից:
Araratnews.am-ը հետևողականորեն կլինի խնդրին և կտեղեկացնի Սննդամթերքի անվտանգության պետական ծառայության կողմից իրականացվող ուսումնասիրությունների արդյունքների մասին:
