Ռուսական RIA Novosti լրատվական գործակալության փոխանցմամբ՝ Սիրիայում ռուսական ավիախմբի ինքնաթիռների իրականացրած գրեթե 670 չվերթների հետևանքով ոչնչացվել է ահաբեկիչների ավելի քան 450 օբյեկտ։ Այդ մասին հայտարարել է Ռուսաստանի պաշտպանության նախարարության գլխավոր օպերատիվ վարչության պետ,գեներա-գնդապետ Անդրեյ Կարտապոլովը։
Նրա խոսքերով՝ սեպտեմբերի 30-ից հետո Ռուսաստանի օդատիեզերական ուժերն իրականացրել են 669 մարտական թռիչք, որոնցից 115-ը՝ գիշերը։ Առավել կարևոր օբյեկտների խոցման համար կիրառվել են ծովային բազավորման «Կալիբր» թևավոր հրթիռներ։ Ռուսաստանի Գլխավոր շտաբի գնահատականով՝ ավիահարվածների արդյունքնում հաջողվել է էականորեն խախտել զինյալների ենթակառուցվածքը։ Ավելի վաղ Ռուսաստանի Գլխավոր շտաբը հայտնել էր ԻՊ-ի նյութատեխնիկական բազան խաթարելու մասին։
