Սիրիայի իշխանությունները կոչ են արել ապստամբներին, որոնց դեմ պայքար են մղում Հալեպում, մասնակցել ընկերական ֆուտբոլային խաղի. այս մասին հայտնում է BBC-ն։
Կառավարությունը ֆուտբոլային խաղի հրավերով թռուցիկներ է տարածել Հալեպում, նաև սիրիական ընդդիմության ներկայացուցիչներին հրավեր ուղարկել սոցկայքերի միջոցով։
Հաղորդագրություններում ասվում է, որ դա բարի կամքի դրսևորում է, որը պետք է ծառայի ազգային հաշտեցմանը։
Խաղը նախատեսված է այսօր՝ Հալեպի Hamdania Stadium մարզադաշտում: Ընդդիմադիրներին խոստացել են անվտանգ մուտք ապահովել խաղի համար։
