Շուրջ երեք տասնյակ պայթյունի զոհեր Նիգերիայում

Նիգերիայի հյուսիսում պայթյունի զոհերի թիվը հասել է 25-ի, 32 մարդ վիրավորվել են։ Այս մասին հայտնում է AFP-ն՝ վկայակոչելով տեղական իշխանություններին։

Ավելի վաղ հայտնի էր դարձել 20 զոհի մասին։ Հիշեցնենք, որ պայթյունը որոտացել էր Զարիա քաղաքում, գրում է «ՌԻԱ Նովոստի»-ն։

Կատարվածի պատասխանատվությունը դեռեւս չի ստանձնել ոչ մի ահաբեկչական խմբավորում։