Գերմանիայի արտգործնախարար Ֆրանկ-Վալտեր Շտայնմայերը հայտարարել է, որ դեմ է Սիրիայի Հալեպ քաղաքում տիրող իրավիճակի պատճառով Ռուսաստանի դեմ նոր պատժամիջոցների սահմանմանը: Այս մասին հայտնում է Ria.ru-ն:
«Սիրիայում մարդասիրական աղետի առնչությամբ պատժամիջոցներն անարդյունավետ են, քանի որ դրանք ունեն չափազանց երկարաձգված ազդեցություն և չեն կարող մարդասիրական միջանցք ստեղծել»,- հայտարարել է Շտայնմայերը։
Պաշտոնյան հավելել է, որ Սիրիայում պետք է ուշադրության կենտրոնում լինեն խաղաղ բնակիչները, հատկապես Հալեպի քաղաքացիները։
